Info

Herzlich Willkommen beim Gitarren B-Chor

Mir vom B-Chor sengat richtig gern,
sen onterwegs, als gsegnet’s Gspann.
Bei os hot’s Mädla jong on knackig,
on au mancha, do lauft’s nemme zackig zackig.
Oefach en bunt gemischter Haufa,
kommt Donnerschdags aus elle Ecka glaufa.
Om kurz vor Siebene hoeßt es dann,
Dodo was sen heut für Lieder dran?
Mir sengat weil’s oserm Herz guat duat,
on des Liedgut macht os emmer neu Mut.
Denn der Alltag brengt seine Höha on Tiefa,
oft muss sich a jeder ganz sche verbiega.
Des koscht Kraft on Nerva, dr Akku isch leer,
genau do braucht’s Liebe on Gott sagt, komm her.
Lass dich beschenka, i füll di ganz neu,
auf mich kannsch du zähla, i bin dir stets treu.
Des isch für uns als Chor s’gröschte Gschenk,
mir sengat’s weiter, on wenn mr’s recht bedenkt,
dann sen mir Freude, Hoffnungs- on Liebesbrenger
auf Taufa, em Gottesdienst on auf Hochzeita-Senger.
Wenn du jetzt angsteckt bisch von osrer Freud,
dann wart net lang, entscheid dich heut,
on komm doch oefach bei ons mol vorbei,
em Gemeindehaus, en Jugendraum onda nei.